top of page

Karwa Chauth 2022- Puja Vidhi & Samagari

Suhagan mahilayein apne pati ki lambi umar aur sehat ke liye karwa chauth ka nirjala vrat rakhti hain. Iss saal karva chauth 13 October, Thursday ke din aa raha hai. Pehle sirf suhagan mahilayein hi yeh vrat rakhti thi lekin aaj kal patni ke prati apna prem dikhaane ke liye pati bhi karwa chauth ka vrat rakhne lage hain.


Sirf yehi nahi, acche pati ki asha mein kunwari ladkiyan bhi karwa chauth ka vrat rakhti hai.


Karwa Chauth ki samagri

  • Karwa Chauth ki puja samagri ki sabse zaroori cheez karva hota hai. Mitti ke bane karve ki manyata zyada hoti hai.

  • Iske saath saath aap mitti ke bane do diye, karve mein lagaane waali kaans ki teeliyan lena na bhoolein.

  • Puja mein lagne waali baaki samagri jaise- chawal, haldi, kumkum, mauli, abeer, phal, phool lena bhi na bhoolein.

  • Vrat kholne ke samay chand ko dekhne ke liye chhalanee, lakdi ki bani chowki, shiv, parvati, chandrama, kartikeya ka chitra.

  • Katha ki pustak, dhoop, deep, mehndi, sindoor, chota sheesha, bindi, chunari aur chudiyaan

  • Karva bharne ke liye gehun, shakar, khadi moong, bhi lena na bhoolein.


Ab jab sabhi samagri aap le chuke hain to aaiye jaante hain ki puja kaise kari jaati hai.

Apne din ki shuruwaat apko suraj ugne se pehle sargi kha kar karni hai. Sargi mein aap dry fruits, doodh, mithai, roti ya paratha kuch bhi le sakte hain. Suraj ugne ke baad se aap ka nirjala vrat shuru ho jaata hai.


Puja ki vidhi ki shuruwat karte hain

  • Ek laal chunari ko chowki par bichha lein.

  • Ab iss chowki par jo apko upar bhagwaan ka chitra lene ke liye btaya hai, uss chitra ko rakh dijiye.

  • Chitra ke baayein taraf thode kacche chawal phela dijiye.

  • Ab chawal ke daano ke upar chawal se bhare karwe ko rakh dijiye aur usey dhak dijiye.

  • Karwe ke dhakkan par cheeni rakh dijiye aur us par ghee ya tel ka ek diya laga dijiye.

  • Bhagwan ke chitra par, karwe par tilak lagayein.

  • Bhagwan ke chitra ke saamne dhoop aur diya lagaein. Phal aur phool arpit karein.

  • Gauri mata ko suhaag ki sabhi samagri bhent karein.

  • Katha shuru karne se pehle chawal ke 13 daane lein aur usey apne pallu ke kone mein baandh lein. Ye chawal ke daane raat mein chandra ko arpit kiye jaate hain.

  • Ab karwa chauth ki katha karein.

  • Raat mein chandra ki aarti karein aur fir chhalani se chandra ko dekhne ke baad pati ka chehra dekhein.

  • Iske baad pati ke haath se paani peekar apna vrat kholein aur bhojan grahan karein.

Karwa Chauth ki bahut bahut shubhkaamnayein, asha hai apko humari batai gayi vidhi aur samagri ki list acchi lagi ho. Comment karke humein zaroor bataiye.


Sehat aur fashion se jude sabhi sawaalo ke liye Barkha se baat karein. Download STREE app.

0 टिप्पणी

हाल ही के पोस्ट्स

सभी देखें

Comments


bottom of page