top of page

Pregnancy test kaise karte hain?

अपडेट करने की तारीख: 4 सित॰ 2022

Pregnancy kit kaam kaise karti hai?

Agar aap pregnant hain to pregnancy kit ki madad se aap apne urine mein hCG hormone ki matra ki jaanch kar sakte hain. hCG pregnancy ke samay kaafi zyada matra mein banta hai.


Pregnancy kit use kaise karein?

  • Bazaar mein milne waali koi bhi kit lijiye. Uske packet ke piche likhe sabhi nirdesh acche se padhiye.

  • Ek saaf bartan ya choti katori mein urine ko jama karein.

  • Fir dropper ki madat se ( jo pregnancy kit ke packet mein hi apko mil jaega) 2-3 boondein kit ke ek koone mein diye gol akaar waali jagah par daal dijiye.

  • Ab aap 5 mins tak wait karein.

  • Agar test par do lines aati hain to apka test positive hai aur aap pregnant hain.

Agar test kit par ek hi line aae?

  • Agar aap ne period miss hone se pehle test kiya hai to, period miss hone ka intezaar kijiye aur miss hone ke 4-5 dino baad test dobaara karein.

  • Agar apko samay se periods nahi aate to 72 ghanto baad test dobaara karein

  • Agar dobaara test karne par bhi test negative hai aur period na aae to apko ek baar doctor se mil lena chahiye.

Agar test kit par halki gulabi line aae?

Apko 2-3 dino ke baad fir se karna chahiye ya fir apko doctor se puch kar blood test karva lena chahiye.



Best pregnancy test kits:

  1. PeeBuddy



PeeBuddy test kit baaki kits se alag hai. Ismein apko ek funnel milega jiske andar hi pregnancy test strip lagi hui hai. Apko bas funnel mein urine karna hai aur bas 90 seconds mein hi apko result mil jaega.


2. Prega News



Prega News kaafi kifayti aur acchi pregnancy kit hai. Apko ek saaf bartan mein urine jama karna hoga aur fir kit par bas 3 urine ki boondein daalni hain. 5 mins mein apko results bhi mil jaenge.


3. Plush Preg-oh!

Plush ki pregnancy test kit bahut hi easy hai use karne ke liye. Ismein na hi apko urine jama karne ke liye bartan ki zaroorat hai aur na hi kisi dropper ki. Aap directly is par urine kar ke results pa sakte hain.


Agar apka period bahut late ho gaya hai to kya karein?

28-40 days ki menstrual cycle normal maani jaati hai lekin agar apki cycle isse lambi hai to usse late maana jaega. Period late hone ke bahut se kaaran ho sakte hain jaise pregnancy, stress, pcos (polycystic ovarian syndrome), thyroid se judi samasya, ovarian cysts etc.


Aise mein agar apke periods bahut late ho jae to apko turant hi doctor se mil kar apni jaanch karvaani chahiye.


Frequently asked question

Q. Agar aap ne IUI karvaya hai uss case mein test kab karein?

A. IUI treatment ke case mein zyadatar doctor apko 14th day par unke clinic bulaenge aur beta hcg blood test karva kar pregnancy check karenge.


Q. Agar apka IVF hua hai uss case mein test kab karein?

A. Embryo transfer hone ke 14 days baad doctor apko check up ke liye bulaenge. Aur fir beta hcg blood test se ye pta lagaya jaega ki IVF successful hua hai ya nahi.

Asha hai ye article apke zaroori sawaalo ka jawaab de paega. Comment mein hume zaroor btaiye ki apko kaise laga isse padh kar.


Apke baaki sawaalo ke jawaab paane ke liye STREE app download karein.




0 टिप्पणी

Comments


bottom of page